रोजगारी, कानुनी, अध्यागमन, स्वास्थ तथा अकस्मात घट्ने घटनाहरु जस्ता समस्याहरु बढ्दै गइराखेको अवस्थालाई मध्यनजर गर्दै आपसी मित्रता, भाईचारा, भावनात्मक एकता, पारस्परिक सम्बन्धहरु विस्तार गरि सरल तरिकाले समस्याको निराकरण गर्न यसले महत्वपुर्ण भुमिका खेल्ने कुरामा हामी बिश्वस्त छौं । नेपाली कला संस्कृतिको संरक्षण गर्दै यसको प्रचार प्रसार गरि हाम्रो मौलिक कला संस्कृतिलाई बिश्व सामु चिनाउन प्रयासगर्ने, नेपालको पर्यटन विकासमा टेवा पुर्याउन मद्दत गर्ने, जापान सरकार, गैरसरकारी संघ संस्थाहरुसंग मैत्रीपूर्ण सम्बन्ध विस्तार गर्ने, जापानी सिप प्रविधिलाई देश भित्र्याउन प्रयास गर्ने आदि जस्ता उद्देश्यहरु राखेर यसको गठन भएको हो ।